احسن مافيها العشق والمعشقة
وشويتين الضحك والتريقة
شفت الحياة لفيت لقيت الذ تغيرها
ودة يعنى التعب والشقا
ومن هنا ابدا اول تدويناتى بكلام العبقرى صلاح جاهين
مش عارفة اعرف نفسى ازاى بس كلى اللى اعرفة انى
اسمى ايمان داخلة على 22 سنة مؤهل متوسط بعيد عنكوا
من مصر اللى نفسى بجد تبقى ام الدنيا بس عندنا حكومة
عايزة اللى يحكمها
ناس كتير اوى بتقول علية مجنونة مش دة المهم
المهم انى بعمل اللى انا عايزاه ساعات بحس انى فى سجن جونتنامو
وساعات تانية بحس ان الدنيا ملكى
اهلى عندهم احساس انى شبة البرميل الفاضى مليش لازمة
بس انا بحاول اصلح ما افسدتة الايام
حلوة الفصحى دى عندى اصحاب كتير اوى بس ديما وحيدة معرفش لية
يمكن علشان بحب انكد على نفسى كتير بموت فى منير
مش علشان اثبت انى مثقفة لا انا بحبه بجد لقيت نفسى فى اغانية
بحب صلاح جاهين اوى ومثلى الاعلى استاذ ابراهيم عيسى
بحب البحر فى عز الشتا بحس باا لدفا وانا بتمشى علية وباكل ايس كريم
بحب اجرب حاجات كتير مش مهم صح او غلط بس يكفينى شرف التجربة
بحب اجيب كتب من من غير محد يشوفها واقعد بليل كدة استجم معى نفسى
بعمل حاجات كتير من ورا اهلى يمكن علشان لو عرفوا هيزعلو منى ويحرمونى انى اعملها
نفسى اصارحهم بكل حاجة بس بخاف من المواجة
يمكن علشان اتعوت انى اعمل كل حاجة بنفسى من غير ما اخد رايهم
انا عارفة انى مش بعرف ادون بس دة اللى جويا
جوايا حاجات كتير بس مش عارفة اترجمها
واشطاط بقى علشان ماما بتنادى علية
السبت، 10 مايو 2008
الاشتراك في:
تعليقات الرسالة (Atom)
6 التعليقات:
مبروووووووووووووك على أول تدوينة يا قمراية
ووالنبى بلاش تقولى على نفسك برميل فاضى عشان أنا مشفتش قبل كده براميل فاضية بتحب منير ولا صلاح جاهين ولا بتقرا الدستور وضربة شمس
عاوز أقولك حاجة..معظمنا أهلنا مضيقينها علينا...حاولى توصلى لصيغة تفاهم مع أهلك...منفعش هما أحرار...وإنتى برضه حرة
PEACE على رأى الزعيم
ايمي ..
الف مبروك يا جميلة بداية مليان البرميل الفاضي .. اللي هو المدونة مش انتي خالص .. عشان زي ما قال محمود انك مش برميل فاضي ومفيش حد جميل زيك كده يبقى برميل فاضي خاااااالص .. كلامك عسول اوي يا ايمي وعقبال كده ان شاء الله ماتبقى المدونة دي من اجمد المدونات اللي في الدنيا ..
صحيح احنا لسه عارفين بعض قريب اوي بس فعلا حباكي جدا واكيد ان شاء الله هنفضل اصحاب وتفضل مجمعانا ضربة شمس حبيبتنا ..
اعذريني على الاطالة بس هو انا كده رغاية جدا في المدونات D:
وتقبلي تحياتي ومروري الاول ومش الاخير ..
عبير .. بيرو .. عاشة القمر .. زي ما تحبي بقى ..
مبدأياً سعيد انك بدأتى تملى البرميل الفاضى و عرفتينا عليكى .. مفاجأه ان اسمك يطلع ايمان .. هههههه .. كنت فاكر ايمى اسمك الحقيقى
انا بأه .. غايظنى الـDiscription بتاع المدونة
"وفيها اية لما تبقى فاضى مش احسن متتملى خنقة من الدنيا وكلام على الفاضى؟"
غلطانة يا ايمى .. لما تتملى خنقة هاتطلعى كلام حلو .. لما تتملى خنقة هاتطلعى حرية
أنا مؤمن بمبدأ " المعاناه تخلق إبداعاً "
تحياتى يا إيمى
موحا
محمود بلال كلامك زى العسل بجد
بس اهو بحاول املاه بس ياريت اهلى يحسوا انى خلاص
عندى دلوقت 21 سنة
بيرو ياقمر انتى شرفتينى
بجد انا حاسة انى اعرفك من زمان مش قريب زى مقلتى كفاية ذوقك وكلامك ياقمر
هههههههههههه بجد ياموحا مكنتش تعرف اسمى ولا يهمك اديك اتصدمت
الـDiscription مش عجباك
بس انا حطها هزار بس عديها بقى
متشكرة اوى ليك
إرسال تعليق