امبارح كنت معى هبة صاحبتى كنا رايحين نشترى لبس
لقيت كل التى شيرتات مكتوب عليها بل ENGLISH
يعنى مثلا ILOVE YOU وMYLOVE وكدة يعنى
واللى فارسنى اكتر بقى انها MADE IN EGYPT
قلت ساعتهاوفيها اية يعنى لما يبقى لبسنا مكتوب علية بالعربى
نعمل لوجو ورسومات بطريقة حلوة تليق بينا كشباب عربى
ولا احنا بس عمالين نقول امريكا لا ونتكلم عن حضارتنا ال7 تلاف سنة
ومش كدة وبس حتى اكتر كلامنا بقى كله تقريبا ENGLISH
نفسى نتمسك بلغتنا اكتر من كدة
وعندى بقى سؤال ممكن حد فينا يقدر يلبس تى شيرت
مكتوب عليةILOVE YOU بس بالعربى؟
6 التعليقات:
هيييييييية اول تعليق...اول مرة اعملها هههههه...انا اقولك حل احلى نعمل لوجو وحاجات زى ما انتى قولتى..ونصدرها..ونكتب...لا صنع اليابان ولا صنع الصين..دة صنع بلدنا ومبيكشرش..طراااااااااااخ...اخر حاجة يعنى ايييييية زمالك...هندى دة ولا ايييييييية......شكرا على مرورك عندى وهستنكى البوست الجاى
السلام عليكم ورحمة الله وبركاته
لفتة جميلة منك
فعلا ياريت نتمسك بهويتنا العربية أكثر من ذلك
ياريت نكلم عربي وبلاش ندخل كلمات أجنبية عشان نظهر اننا مثقفين لان عمر الثقافة ما كانت بانك تتخلى عن لغتك وهويتك
والتي شرت
ليه يكون عليه كلام أصلا ممكن نعمل رسومات هويتها عربية
طبيعة المنطقة المهم يكون التي شيرت عربي لناس عرب
وعلى فكرة هو بيكون صنع في مصر لكن تصميم مصمم أجنبي في الغالب ولذلك الكلام بيكون اجنبي لانهم واخدين التصميم كما هو
تحياتي
السلام عليكم ورحمة الله وبركاته ,,
حاجه غريبه فعلا تلاقي كله لابس تي شيرتات ومكتوب عليها in english والمشكله ان في ناس لابسه تي شيرتات كده بس الناس دي من نوعية انجليزي دا يا مرسي ومرسي ابن المعلم الزناتني اتهزم يا مينززز مش فاهمين ايه اللي مكتوب على التي شيرت والمشكله ان في تي شيرتات بيكون عليها كلام ما ينفعشي بأي حال من الاحوال واكيد انتوا عارفين الحاجات دي اكتر مني
والمشكله الاكبر ان لازم الواحد يرميله كلمتين انجليزي في كلامه ولو قولتيله اكتبها يكتبها غلط او يقعد يسمع اغاني اجنبي هو مش فاهم فيها حاجه اصلا
شكرا انك طرحتي الموضوع دا في البوست دا والسلام ختام
ههههههههههه انتى شكلك لسة سامعة فيلم اللمبى
شرفتنى مدونتى يا كيكى ياعسولة
والله نفسى نتمسك شوية بعاتدتنا بس
يا استاذة فصحية شكرا جيدا لمرورك
والله يا عبد الله انا مش عارفة الناس جرلها اية اوك نسمع اغانى اجنبى ونشوف افلام
بس لغتنا بضيييييع
متشكرة جيدا لمرورك
إرسال تعليق